سمیناری هەڵسەنگاندنی کتێبی مرۆڤبوون: مۆدێرنیتی سیاسی و مرۆڤدۆستی لە کوردستان – عێراق

ناوەندی لێکۆڵینەوەی کوردستان – تیشک، زنجیرە سیمینارەکانی ساڵی 2024 ــی بە سیمیناری سێهەم بەناونیشانی هەڵسەنگاندنی کتێبی مرۆڤبوون: مۆدێرنیتی سیاسی و مرۆڤدۆستی لە کوردستان – عێراق دەستپێدەکات.

سێهەم سمینار لەگەڵ د. فازڵ مورادی، پرۆفیسۆری هاوکار لە فاکەڵتی زانستی مرۆیی لە ئەنستیتۆی لێکۆڵینەوەی پێشکەوتووی زانکۆی ژۆهانسبۆرگ. و هەروەها توێژەری هاوبەش لە پەیمانگای ئەنترۆپۆلۆژیای کۆمەڵایەتی لە ئەکادیمیای زانستی نەمسا دەبێت. د. مورادی زانایەکی سەر بە ناوەندی لێکۆڵینەوە لە هۆلۆکۆست، ژێنۆساید و تاوانەکانی دژی مرۆڤایەتی لە ئەنستیتۆی ڕالف بانچ بۆ لێکۆڵینەوە نێودەوڵەتییەکان، ناوەندی دەرچووانە-CUNY.

بڵاوکراوەکانی د. فازڵ مورادی بەدواداچوون بۆ کۆمەڵێک بابەتی بەرفراوان دەکەن کە پەیوەندییان بە ژێنۆساید، ژنکوژی و کاریگەرییە بەرفراوانەکانی توندوتیژی مۆدێرنیتەوە هەیە. لێکۆڵینەوەکانی بابەتی مێژوویی و هاوچەرخی وەک وێرانکردنی شانشینی بێنین و گەڕاندنەوەی شوێنەوارە تاڵانکراوەکان و ئەو توندوتیژییە ژێنۆسایدانەی کە دەوڵەتە کۆلۆنیالییە مۆدێرنەکان ئەنجامی دەدەن، دەگرێتەوە. هەروەها مورادی لە بەشێک لە لێکۆڵینەوەکانی دەپرژێتە سەر بابەتەکانی وەک سڕینەوەی یاسایی گروپە پەراوێزخراوەکان لە ڕۆژهەڵاتی ناوەڕاست، کاریگەری شەڕی شیمیایی لەسەر  کورد و یادەوەری کولتووری ژێنۆساید.

لێکۆڵینەوەکانی بە پەیوەندییەکی قووڵ لەگەڵ دادپەروەری، یادەوەری و ئەگەرەکانی زانستی دیکۆلۆنیالیزمدا دیارە، زانستگەلێک کە زۆرجار ڕەنگدانەوەی ئەو پارادۆکسانەن کە لە میراتی مۆدێرنیتەدا ڕەنگ دەدەنەوە. بابەتەکانی د. مورادی لە گۆڤار و کتێبی جۆراوجۆری ئاکادمی و گشتیدا بڵاودەکرێنەوە.

سیمیناری  هەڵسەنگاندنی کتێبی مرۆڤبوون: مۆدێرنیتی سیاسی و مرۆڤدۆستی لە کوردستان – عێراق لەلایەن د. فاتح سەعیدی لە  ناوەندی لێکۆڵینەوەی کوردستان – تیشک بەڕێوەدەچێت و سەرپەرشتی دەکرێت.

ئەم سمینارە بڕیارە ڕۆژی یەکشەممە ٦ی خەزەڵوەری ٢٠٧٢٤ کاتژمێر ٦ی ئێوارە (بەکاتی بەرلین) و ٨:٣٠ بەکاتی کرماشان بە زمانی کوردی بەڕێوەدەچێت. دانیشتنەکە پێشەکییەکی ١٠ خولەکی و پێشکەشکردنێکی ٣٠ خولەکی و دواتر پرسیار و وەڵامی ٢٥ خولەکی و گفتوگۆیەکی پانێڵ و لەکۆتاییشدا کۆبەندێکی بابەتەکە لە ١٠ خولەکدا لەخۆدەگرێت. بەشداربووان دەتوانن لە ڕێگەی زوومەوە بە بەکارهێنانی ئەو بەستەرەی کە هاوبەش کراوە بەشداری بکەن.

پوختەی “کتێبی مرۆڤبوون: مۆدێرنیتی سیاسی و مرۆڤدۆستی لە کوردستان – عێراق”

• بابەت:هەڵسەنگاندنی کتێبی مرۆڤبوون: مۆدێرنیتی سیاسی و مرۆڤدۆستی لە کوردستان – عێراق
• میوان: د. فازڵ مورادی مامۆستا لە زانکۆی ژوهانسبورگ
• ئامادەکار: د. فاتح سەعیدی لە ناوەندی لێکۆڵینەوەی کوردستان – تیشک
• کات: ٦ی خەزەڵوەری ٢٧٢٤ی کوردی (٢٧ی ئۆکتۆبری ٢٠٢٤)
• دەستپێک: ٢٠:٣٠ بە کاتی کرماشان، ١٨:٠٠ بەکاتی ناوەندی ئەورووپا
• زمان: کوردی
• ڕێکخەر:
  • ناوەندی لێکۆڵینەوەی کوردستان – تیشک
• ئادرس: لێرە کرتە بکە Zoom

• 

• پەیوەندی: info@tishk.org