گرووپی ڕاوێژ بۆ INRM

بەڕێوەبردنی ئاوێتەی سەرچاوە سروشتییەکان (‏INRM‏)‏

پێشەکی
ئەم گرووپی توێژینەوەییە تایبەتە بە ‏دارشتنی سیاسەتی ڕووبەڕووبوونەوە لەگەڵ ئاستەنگە ئاڵۆزەکانی بەکارهێنانی بەردەوامی ‏سەرچاوە سروشتییەکان لە ڕۆژهەڵاتی کوردستان و ئێران. گرووپەکەمان بە کۆکردنەوەی ‏پسپۆڕانی بوارە جیاوازەکان، سەرنج دەخاتە سەر ڕێبازە گشتگیرەکانی بەڕێوەبردنی ژیرانەی ‏زەوی، سەرچاوەکانی ئاو، فرەچەشنی زیندەوەران و سامانە سروشتیە گرنگەکانی تر. بە ‏ئاوێتەکردنی توێژینەوەی زانستی لەگەڵ زانیاری خۆجێی و بەشداری کۆمەڵگا، ئامانجمان ‏پەرەپێدانی چارەسەری کردارییە بە جۆرێ کە پاڵپشت بێت بۆ تەندروستی ژینگەیی، ‏خۆشگوزەرانی کۆمەڵایەتی، و گەشەپێدانی ئابووری لە سەرتاسەری ناوچەکەدا.‏

ئەرکەکانی گرووپ
ئەرکی ئێمە پێشخستنی مۆدێلی بەڕێوەبردنی بەردەوام و ئاوێتەی سامانە سروشتییەکانە لە ‏ڕۆژهەڵاتی کوردستان لە ڕێگەی لێکۆڵینەوەی نێوان-زانستەکان، بەشداریکردنی کۆمەڵگا، و ‏چارەسەری داهێنەرانە. ئێمە هەوڵدەدەین دانیشتووان و هاوڵاتیان لە ڕووی زانیارییەوە ‏بەهێز بکەین، کاربەدەستانی سیاسەت ئاگادار بکەینەوە، و پەروەردەی ژینگەیی بۆ ‏سوودگەیاندن بە نەوەکانی ئێستا و داهاتوو پێشبخەین.‏

دیدگای گرووپ
تێڕوانینی ئێمە کوردستانێکی تۆکمە و گەشەسەندوویە کە سامانە سروشتییەکان بە شێوەیەکی ‏ژیرانە و دادپەروەرانە بەڕێوەببرێن، ئیکۆسیستەمەکان نۆژەن بکرێنەوە و بپارێزرێن و ‏هاونیشتمانیان بە هاوئاهەنگی لەگەڵ ژینگە بەختەوەر بن. وەک گروپێکی توێژینەوەی ‏پێشەنگ لە ناوەندی لێکۆڵینەوەیکوردستان – تیشک، ئامانجمان ئەوەیە کە ببێتە کاتالیزۆر بۆ گۆڕانکاری ‏ئەرێنی و مۆدێلێک بۆ بەڕێوەبردنی ئاوێتەی سەرچاوە سروشتییەکان لە کوردستاندا.

توێژینەوەکان وەک بەشێک لە پڕۆژەکە لە وڵاتی ئاڵمان و لەژێر ژمارەی ستانداردی نێودەوڵەتی وەک ISSN, ISBN و DOI تۆمار و بە شێوەی چاپکراو و دیجیتاڵی لەلایەن دەزگای چاپ و بڵاوکردنەوەی ناوەندی لێکۆڵینەوەی کوردستان -تیشک خۆیەوە بڵاودەکرێنەوە و بەشێوازی دەستپێڕاگەییشتینی ئازاد دەخرێتە بەردەستی هەمووان.