بنکە-پرۆژەی «رۆژئەتڵەس» باسێک لەسەر دامەزراندنی بنکەی داتای جوگرافیایی رۆژهەڵاتی کوردستان

ناوەندی لێکۆڵینەوەی کوردستان-تیشک، لە درێژەی زنجیرە سمینارەکانی ساڵی ٢٠٢٥دا، ڕۆژی یەکشەممە، ڕێکەوتی ٩ی خەرمانانی ٢٧٢٥ی کوردی (٢٠٢٥/٠٨/٣١)، سیمیناری دوازدەهەم بەناونیشانی:“بنکە-پرۆژەی «رۆژئەتڵەس»؛ باسێک لەسەر دامەزراندنی بنکەی داتای جوگرافیایی رۆژهەڵاتی کوردستان” بەڕێوەدەبات.

سیمینارەکە لەلایەن سولەیمان چوکەڵی، توێژەر و دامەزرێنەری پڕۆژەی ڕۆژئەتڵەس بەڕێوەدەچێت. چوکەڵی، کە خەڵکی مەهابادە، بڕوانامەی لیسانسی جوگرافیا لە زانکۆی تەورێز و ماستەری هەمان بوار لە زانکۆی تاران وەرگرتووە. ساڵی ٢٠٠٥ بەدواوە ماوەیەک مامۆستای یاریدەدەر و وانەبێژ بووە لە زانکۆکانی کۆیە و رانیەی باشوری کوردستان. لە ساڵی ٢٠١١وە، لە نۆروێژ دەژی و خولی تایبەتی لە GIS خوێندووە و لە ئێستادا لە فەرمانگەیەکی حکومەتی کاردەکات.

لە ناو کارە سەرەکییەکانی دەکرێت ناوی نەخشەی ئێثنۆ-ئاینیی پارێزگای ورمێ و بە تایبەتی دامەزراندنی پڕۆژەی ڕۆژئەتڵەس. ئەم پڕۆژەیە یەکەمین پۆرتاڵی جوگرافییە بۆ ڕۆژهەڵاتی کوردستان کە ئامانجی دامەزراندنی بنکەی داتایەکی پەیوەندیدار و پایەدارە بۆ توێژینەوە، پلاندانان و گەشەپێدانی ماوە درێژ. پڕۆژەکە لە سەر بنەمای پرسی زمان، ئایین و ناونیشانە فەرمییەکان دەستی پێکردووە و بە شێوەیەکی فراوان دامەزرێنراوە بۆ ئەوەی ببێتە سەرچاوەیەکی ئاسایی بۆ توێژەران، دامەزراوەکان و بەرپرسانی سیاسەت.

سیمینارەکە لەلایەن هیوا تاسە، توێژەری دوکتۆرا لە بواری کۆمەڵناسی لە Graduate Center ـی City University of New York و ئەندامی دەستەی نووسەرانی گۆڤاری تیشک بەڕێوەدەچێت.

سیمینارەکە ڕۆژی یەکشەممە، ڕێکەوتی ٩ی خەرمانانی ٢٧٢٥ی کوردی (٢٠٢٥/٠٨/٣١)، کاتژمێر ١٩:٣٠ بەکاتی کرماشان و ١٩:٠٠ بەکاتی هەولێر (١٨:٠٠ بەکاتی بەرلین)، بە زمانی کوردی بەڕێوەدەچێت.
ئەو سیمینارە هاوکات لەسەر پلاتفۆرمی زووم  و تۆڕەکۆمەڵایەتیەکانی ناوەندیش بە شێوەی ڕاستەوخۆ بڵاو دەکرێتەوە و دەتوانن بە بەکارهێنانی بەستەری تایبەتی، بەشداربن.

• بابەت: بنکە-پرۆژەی «رۆژئەتڵەس»؛ باسێک لەسەر دامەزراندنی بنکەی داتای جوگرافیایی رۆژهەڵاتی کوردستان
  
• میوان: سولەیمان چوکەڵی، توێژەر و دامەزرێنەری پڕۆژەی ڕۆژئەتڵەس
• ئامادەکار: هیوا تاسە، توێژەری دوکتۆرا لە بواری کۆمەڵناسی لە Graduate Center ـی City University of New York و ئەندامی دەستەی نووسەرانی گۆڤاری تیشک
• کات: یەکشەممە ڕێکەوتی ٩ی خەرمانانی ٢٧٢٥ی کوردی (٣١ی ئاوگۆستی ٢٠٢٥ ز.)
• دەستپێک: ١٩:٣٠ بە کاتی کرماشان، ١٩:٠٠ بەکاتی هەولێر و ١٨:٠٠ بەکاتی ناوەندی ئەورووپا
• زمان: کوردی
• ڕێکخەر:
  • ناوەندی لێکۆڵینەوەی کوردستان – تیشک
• ئادرس: پلاتفۆرمی زووم؛ لێرە کرتە بکە Zoom

• 

• پەیوەندی: info@tishk.org

لە فەیسبووک بمانبینەوە