بازدان بۆ ناوەڕۆک

ژیانەوە

سەردانێکی پڕ مانا

سەردانێکی پڕ مانا
وێنەکە تایبەتە بە وتاری سەردانێکی پڕ مانا لە نووسینی هێلینا باورنفایند

زانیاری بڵاوکردنەوە

نووسەر
هێلینا باوەرنفایند
جۆر
بلاگی ژیانەوە
وەشانخانە
ناوەندی لێکۆڵینەوەی کوردستان-تیشک
ئەنستیتۆ
ناوەندی لێکۆڵینەوەی کوردستان-تیشک
ڕێکەوت
٠٩\١١\٢٧٢٥
زمان
کوردی

سەردانێکی پڕ مانا

هێلێنا باوەرنفایند

سەردانێکی پڕ مانا

بەپێی سەرچاوە هاودەنگەکان، عەلی خامنەیی، ڕێبەری باڵای ئێران، سەردانێکی نائاسایی بۆ شاری جەمکەران ئەنجامداوە. کات و چۆنیەتی سەردانەکە بە نادیاری ماونەتەوە، بەڵام ئەمە لە تاران کەمتر دەبێتە جێی پرسیار وەک لە خودی بارودۆخی گەشتەکە؛ چونکە خامنەیی وەک سیاسییەکی خاوەن ئاماژە سیمبولییەکان ناناسرێت.
کاتێک ئەو دەجوڵێتەوە، بە دەگمەن بێ هۆکارە.
لە ڕاستیدا، ڕێبەری باڵای کۆماری ئیسلامی بە شێوەیەکی نەریتی ئەم جۆرە سەردانانە پێش بڕیارە گرنگ و پڕ لێکەوتەکان ئەنجام دەدات.
دوایین نموونەی ناسراو مێژووەکەی زۆر کۆن نییە: پێش ئەو هێرشەی ڕژێم بە “بەڵێنی ڕاستەقینە” ناوی برد، خامنەیی گەشتی بۆ مەشهەد کرد. ماوەیەکی کەم دوای ئەوە، فەرمانی پەرەسەندنی سەربازی دەرچوو.
جەمکەران، کە لە نزیک شاری قوم، ناوەندی تیۆلۆژی شیعە هەڵکەوتووە، خاوەن گرنگییەکی ئایینی تایبەتە بۆ موسڵمانانی شیعە. مزگەوتی ئەوێ وەک شوێنی چاوەڕوانی بۆ ئیمامی شاراوە (مەهدی) دادەنرێت، کە گەڕانەوەی سەرکەوتنی کۆتایی بەسەر دوژمنانی ئاییندا دەهێنێت. لە ناو جیهانی باوەڕی شیعەدا، جەمکەران کەمتر شوێنێکی سیاسییە و زیاتر شوێنی ئومێد و شەرعییەتە.
گرینگی سیاسی ئەم سەردانە ڕێک لەم خاڵەدایە. ساڵانێکە لە نێوان لایەنگرە توندڕەوەکانی ڕژێمدا دەنگۆی ئەوە بڵاوە کە خامنەیی لە پەیوەندی ڕاستەوخۆدایە لەگەڵ ئیمام مەهدی و لە جەمکەران ڕێنمایی یەزدانی بۆ بەڕێوەبردنی وڵات وەردەگرێت.
ئەوەی کە ڕێبەری باڵا» ئەم گێڕانەوانە نە پشتڕاست دەکاتەوە و نە بە ڕوونی ڕەتیان دەکاتەوە، بەشێکە لە ستراتیژێک کە بە ئەنقەست دەسەڵاتی ئایینی و دەسەڵاتی سیاسی پێکەوە گرێ دەدات.
نادیاری کاتی گەشتەکە ڕەنگە پەیوەست بێت، بە لێکدانەوەکانی ڕژێمەوە.
بەڵام ئەوەی نکۆڵی لێ ناکرێت، بارودۆخەکەیە: خامنەیی لەژێر فشارێکی زۆری ناوخۆیی و دەرەکیدایە. لە ساتە وەهاکاندا، سەرکردایەتیی کۆماری ئیسلامی بە شێوەیەکی نەریتی بەدوای گفتوگۆی گشتیدا ناگەڕێت، بەڵکو بەدوای دڵنیایی ئایینیدا دەگەڕێت.
بەم شێوەیە، جەمکەران کەمتر پەناگەیە و زیاتر ئاماژەیە. هەر کەسێک لەوێ دەربکەوێت، بۆ ئەوە نییە دڵەڕاوکێ بشارێتەوە، بەڵکو بۆ ئامادەکارییە بۆ بڕیارەکان؛ ئەو بڕیارانەی کە لێکەوتەکانیان بەردەوام زۆر لەودیو دیوارەکانی مزگەوتەکەوە دەڕۆن.

بیروڕا

بە شێوەی ئانلاین لە لایەن ناوەندی لێکۆڵینەوەی کوردستان-تیشک لە بلاگی ژیانەوە بڵاو کراوەتەوە: ٩ی ڕێبەندانی ٢٧٢٥ی کوردی

باوەرنفایند، هێلێنا (٢٠٢٦): سەردانێکی پڕ مانا. بلاگی ژیانەوە؛ ناوەندی لێکۆڵینەوەی کوردستان – تیشک.

ناوەندی لێکۆڵینەوەی کوردستان – تیشک لە تۆڕە کۆمەڵایەتییەکان

زیاتر لە ژیانەوە

هەمووی ببینە
ژیانەوە

دیاسپۆرای کورد؛ هێزێکی بێسنوور

بەپێی ڕای ئەمیر حەسەنپوور و شەهرزاد موجاب (٢٠٠٥)، ڕەوتی کۆچکردنەوە بۆ زیادکردنی توخمێکی ترانسنشال بۆ نەتەوەی کورد یارمەتیی دیاسپۆرای کوردی داوە. توخمەکانی دیاسپۆرا، بەتایبەتی لەو سەردەمەدا کە ئەکتەرەکانی ناوخۆ بەهۆی شەڕ و سەرکوتکردن و سانسۆرەوە دەرفەتی خۆنیشاندانیان نییە، داواکارییەکانی نەتەوەی کوردی بۆ…

ژیانەوە

٣٥ ساڵ دوای ڕاپەڕین؛ بۆچی باشووری کوردستان هێشتا لە نێوان نەوت، مووچە و قەیرانی حوکمڕانیدا گیرۆدەیە؟

سێ و پێنج ساڵ دوای ڕاپەڕینی ئازاری ١٩٩١، باشووری کوردستان هێشتا لەبەردەم پرسیارێکی بنەڕەتی و چارەنووسسازدا وەستاوە: بۆچی ئەو هەرێمەی خاوەنی دەیان ملیار دۆلار داهاتی نەوت، سەرچاوەی سروشتی، خاکێکی بەرهەمدار و پێگەیەکی گرنگی ژیۆپۆلیتیکی جوگرافیایییە، نەیتوانیوە سیستەمێکی سیاسی و ئابووریی کارا، شەفاف…

ژیانەوە

لە کوردستانی سیاسییەوە بۆ کوردستانی کولتووری

پرسی بەدەوڵەتبوونی کوردستان بۆ زیاتر لە سەدەیەکە بەردەوام جێگۆڕکێی سیاسی پێ دەکرێت. بە واتایەکی ڕوونتر لە جێی داننان بە مافی سەروەریی سیاسی و دامەزرانی دەوڵەتی کوردستان لە ناوەندەکانی بڕیار و دانوستاندا، بەردەوام بۆ چەمک و فۆرمی بچووکتر و ناسیاسی دابەزێنراوە. ئەم چەمک…