بازدان بۆ ناوەڕۆک

وتارەکانی گۆڤار

سەروتار

زانیاری بڵاوکردنەوە

نووسەر
ناسر مورادی
جۆر
وتاری گۆڤار
بڵاوکراوەتەوە لە
گۆڤاری تیشک
وەشانخانە
ناوەندی لێکۆڵینەوەی کوردستان-تیشک
ڕێکەوت
2026/11/13
بەرگ
٢٨
ژمارە
٧٤
ISSN
2942-7894
زمان
کوردی
لاپەڕەکان
٧ – ٨
داگرتنی PDF

پاش هێرشەکانی حەماس بۆ سەر ئیسرائیل لە ئۆکتۆبەری ٢٠٢٣ەوە، نەخشەی جیوپۆلیتیکی ڕۆژهەڵاتی ناوەڕاست ڕووبەڕووی وەرچەرخانێکی بنەڕەتی بووەوە؛ گۆڕانکارییەک کە زۆر بەخێرایی چوارچێوە و سنووری ململانێیەکانی پێشووی بڕی و فۆڕمی هاوکێشەیەکی سەرووناوچەیی بەخۆیەوە گرت. لەم بەریەککەوتنەدا، کۆماری ئیسلامیی ئێران وەک پشتێنە و ماکەی هێزە پرۆکسییەکان، خرایە چەقی ستراتیژیی ئەمریکا و ئیسرائیلەوە و لە ئەنجامدا گەیشتە ئاستی تێکهەڵچوونێکی ڕاستەوخۆی سەربازی و هەر بەوەشەوە نەوەستا و شوێندانەریی چەندلایەنەی لەسەر ئاسایش و سەقامگیریی ناوچەکە و وڵاتانی جیهان دانا. لەم بارودۆخە هەستیارەدا، شەڕ و ئاسەوارەکانی، کۆمەڵێک دەرهاویشتەی نوێی بەدوای خۆیدا هێنایە ئاراوە. لە بابەت کوردستانەوە، هاوکات لەگەڵ مەترسیی هێرشەکانی ئێران بۆ سەر حیزبەکانی ڕۆژهەڵات و خاکی هەرێمی کوردستان، دۆخێک هاتووەتە کایەوە کە لەپاڵ ڕەخساندنی دەرفەتەکان، پرسیار و ئاڵەنگاریی قووڵی لەسەر ستراتیژی و داهاتووی سیاسیی بزووتنەوەی نەتەوەیی و حیزبەکان هێناوەتە ئاراوە.

لە ژینگەی پڕقەیران و لەو هەلومەرجە ئاڵۆزەی شەڕ و گۆڕانکارییەدا، سەرکەوتن یان دواکەوتنی بزووتنەوەی نەتەوەیی بە پلەی یەکەم گرێدراوی کردەی پراکتیکی و لەجێدا، ئەرکی نیشتمانیی کۆمەڵگای مەدەنی لە ڕۆژهەڵاتی کوردستان، و بەرپرسیارەتیی حیزبەکانی کوردستانە.

ڕۆژهەڵاتی کوردستان لەم قۆناغە مێژوویییە یەکجار ناسک و پڕ لە ئاڵەنگارییەدا، لە ڕوانگەی شیکاریی سیاسی و جیوپۆلیتیکییەوە، بە بارودۆخێکدا تێدەپەڕێت کە هەم دەرەنجامی لۆژیکی گۆڕانکارییە خێراکانی ناوچەکەیە و هەم دۆخێکی نەخوازراوی پڕ لە هەڕەشە و نادڵنیایییە. ڕووداوە گەورەکانی وەک بزووتنەوەی ژینا و شەپۆلی ئەو گۆڕانکارییانەی بەدوایدا هاتن، بەڕوونی قووڵاییی سەرمایەی مرۆیی، پانتاییی هێزی سیاسی و کاریگەریی قووڵی کۆمەڵایەتیی ئەم بزووتنەوەی خستە ڕوو، بەڵام هاوکات پەردەیان لەسەر خەسارەکان، بۆشایی، دابڕان و ناکۆکییەکانی نێوان پێکهاتەکانی کۆمەڵگای کوردستان هەڵدایەوە.

ئەم ناکۆکی و بۆشایییە مێژوویییانە ڕاستەوخۆ پەیوەندییان بە یەکێک لە گەورەترین ئاستەنگەکانی بەردەم بزووتنەوەی ڕزگاریخوازیی ڕۆژهەڵاتەوە هەیە، کە ئەویش ئاماژەیە بە سەرهەڵدانی جۆرێک قەیران و دابڕان لە ڕۆحی گۆڕانکارییەکانی سەردەم. بۆ تێپەڕاندنی ئەم بەستەڵەکە و دەربازبوون لەو قەیرانە مەترسیدارە، حیزبەکان دەبێت بەفەرمی مەودایەک بۆ گفتوگۆی ڕەخنەگرانە و بەرپرسیارانە بڕەخسێنن و ئەرکی پێکگەیشتن و پڕکردنەوەی کەلێنی نێوان خەباتی حیزبی و خەباتی ناحیزبی لە ئەولەوییەتدا دابنێن.

بەستنەوەی ئەم ئەرکە بە داهاتووی بزووتنەوەی کوردستان، پێویستی بەوە هەیە کە گواستنەوەی ڕۆڵ و پێگەی کورد بۆ ناوەندی هاوکێشەکان، لە ڕێگەی پلاتفۆرمێکی نیشتمانییەوە بێت کە تیایدا گوتاری کوردستانی ڕەنگ بداتەوە. گۆڤاری تیشک لەم ڕاستایەدا، وەک سەکۆیەکی سەربەخۆ بۆ دەنگە جیاوازەکان، بەستێن بۆ دیالۆگی بنیاتنەرانە و پێکگەیشتنی ئەم گوتارە دەڕەخسێنێت.

ناوەندی لێکۆڵینەوەی کوردستان – تیشک لە تۆڕە کۆمەڵایەتییەکان

زیاتر لە وتارەکانی گۆڤار

هەمووی ببینە
وتارەکانی گۆڤار

ڕێنووسی کوردی و ڕێنمایی نووسین

بە سەرنجدان بەوەی نووسەرانی تیشک و خوێندەوارانی کورد، بنەما گشتییەکانی ڕێنووسی کوردی دەزانن، بە پێویستیمان نەزانی هەموو بەشەکانی ڕێنووسی کوردی لێرە بنووسینەوە و تەنیا لەم نووسراوە کورتەدا ئاماژە بەو خاڵانە کراوە کە بەشێکی زۆر لە نووسەران لەبەرچاویان ناگرن و بە هەڵە دەیاننووسن.

وتارەکانی گۆڤار

لە نیشانەناسییەوە تا ئوستوورەپەردازی: خوێندنەوەی شێعری «کیژی سوور خاوەن مانگە»ی لەیلا ساڵحی

پوخته‌ی بابه‌ت: ئوستووره‌ گێڕانه‌وه‌ یان كۆمه‌ڵه‌ گێڕانه‌وه‌یه‌كی ڕه‌مزی و نمادینی ئاوات، بایخ، ترس و ویستی میلله‌ته‌كانن، گێڕانه‌وه‌ و ده‌ربڕینێك چ له‌ ڕێگه‌ی حیكایه‌ت و به‌یت و باو و به‌ گشتی داب و نه‌ریته‌ کۆمه‌ڵایه‌تییه‌كان ،چ به‌ زمانی ئه‌ده‌بیات، سینما ، نیگاركێشی و…

وتارەکانی گۆڤار

بە ناو کوردستانی ئازاددا؛ گەشتێک بە ناو وڵاتێکی تەژی لە متمانە

پێشەکی لە نێوان ئەو بەرهەمانەی کە لەسەر کوردستان، ژیانی گەلی کورد، ناسنامە و مێژووی ئەم گەلە نووسراون، هەندێک کتێب تەنها بەهۆی زانیارییەکانیان گرنگ نین، بەڵکو بەهۆی ئەوەیە کە بتوانن کوردستان و کورد لە ڕوانگەی مرۆڤێکی گەشتیار، چاودێر و بیرمەندەوە پیشان بدەن. کتێبی…