بیروڕا
بە شێوەی ئانلاین لە لایەن ناوەندی لێکۆڵینەوەی کوردستان-تیشک لە بلاگی ژیانەوە بڵاو کراوەتەوە: ٨ی گەلاوێژی ٢٧٢٥ی کوردی
دەباغی، شەهلا (٢٠٢٥): پێشکەش بە شەهیدانی ژینگەپارێزی کوردستان، ماسییەکانی ناو ئاگر. بلاگی ژیانەوە؛ ناوەندی لێکۆڵینەوەی کوردستان – تیشک.
لەم چیرۆکەدا دژبەرەکان هەر لە هەوەڵەوە دژی یەکتر ڕادەوەستێن؛ دوکتور نوێنەری چینی سەرەوە و دەسەڵاتە کە نوسخە دەپێچێتەوە و فەرمانان دەدا. مام یۆنس نوێنەری خەڵک و بەرخودانە کە لە بەرانبەر فەرمانی دەسەڵات کە لەگەڵ ڕوحی ئەو و دادخوازی بۆ خوێنی شەهیدان یەک ناگرێتەوە ڕادەوەستێ. دوکتور دەیەوێ ڕەوایەتی مام یۆنس بە ئەو دەربڕینە لە شەرعییەت بخات: داخودا کێ دژی ماسیگرەکانە و کێ ئەم درۆیەی سازکردووە کە بلۆکیان بەخەڵکەوە بەستووە و لە ڕووباریان هاویشتوون.
.
پێشکەش بە شەهیدانی ژینگەپارێزی کوردستان، ماسییەکانی ناو ئاگر
خوێندنەوەی کورتە چیرۆکی “یۆنس و ماسی”
لە نووسینی خەبات ڕەسووڵی
کارەکتەرەکان: دوکتور، مام یۆنس، دەسەڵات، تەرمەکانی ناو ڕووبار، کێ (نەناسراو)، ماسیفرۆشەکان، کێی دووهەمی نەناسراو، ماسییەکان
وەگێڕەکان: وەگێڕ، مام یۆنس، کێ، ماسییەکان
ڕووداوەکان: چوونە دوکتوری مام یۆنس، نوسخەپێچانی دوکتور و قسەکردنی لەسەر نەخۆشی مام یۆنس، وەڵامی مام یۆنس، شۆڕشی ژینا، هاویشتنی تەرمەکان بۆ ناو ڕووبار، دیتنی تەرمەکان لەلایەن ماسییەکانەوە
دژبەرەکان: (دوکتور/مام یۆنس)، (گۆشتی سوور/ماسی)، (دەسەڵات/شۆرشی ژینا)، (کێ/ماسیفرۆشەکان)، (کێ/ماسییەکان)
وشە کلیدییەکان: شۆڕشی ژینا، یۆنس، ماسی
یۆنس و ماسی
دوکتور هەروا کە نوسخەکەی نووسیبوو گوتبووی: نابێ گۆشتی سوور بخوات، بەڵام دەتوانێ ماسی بخوات. مام یۆنس وەڵامی دابۆوە: ماسی ناخوات، چونکە لە شۆڕشی ژینادا ڕێژیم بلۆکی لە چەندین تەرم بەستووە و فڕێیداونەتە نێو ڕووبارەوە. دوکتور گوتبووی: داخودا کێ دوژمنایەتی لە گەڵ ماسی فرۆشەکان هەیە و ئەو درۆیەی هەڵبەستووە. دەنا کێ ئەوەی بە چاوی خۆی بینیووە؟
مام یۆنس بێ ئەوەی چاوەڕێی وەرگرتنی نوسخەکەی بێت، بە تەمای ڕۆیشتن هەستابووە سەر پێ و بەتووڕەییەوە گوتبووی: ماسییەکان.
شیکردنەوە
چیرۆکی “یۆنس و ماسی” بە ئیلهام لە ئەفسانەی یۆنس داڕێژراوە. دەگوترێت کاتێک ئافەریدەگار بە یۆنسی گوت کە خەڵک ڕێنوێنی بکات، بەڵام خەڵک وەڵامی بانگەوازی ئەویان نەداوە، یۆنس ماندووبوو و شاری بەجێهێشت و ڕۆیشت. تۆفان دەست پێدەکا و یۆنس لە کەشتی دەکەوێتە ناو دەریاوە و ناو زگی ماسییەک. بەڵام دوای چەند ساڵان خوا یۆنس دەبەخشێ و یۆنس دەگەڕێتەوە بۆ شار و ئەمجارە دەتوانێ ڕێنوێنیی خەڵک بکات.
لە چیرۆکی “یۆنس و ماسی”دا مام یۆنس نەکەوتووەتە ناو ڕووبارەکەوە و ناو زگی ماسییەک، بەڵکوو ئەوە خەڵکی دژی دەسەڵاتن کە خستراونەتە ناو ڕووبارەکەوە و دەسەڵات بە هۆی نافەرمانی سزای داون.
لەم چیرۆکەدا چ ڕوودەدا؟
لەم چیرۆکەدا دژبەرەکان هەر لە هەوەڵەوە دژی یەکتر ڕادەوەستن؛ دوکتور نوێنەری چینی سەرەوە و دەسەڵاتە کە نوسخە دەپێچێتەوە و فەرمانان دەدا. مام یۆنس نوێنەری خەڵک و بەرخودانە کە لە بەرانبەر فەرمانی دەسەڵات کە لەگەڵ ڕوحی ئەو و دادخوازی بۆ خوێنی شەهیدان یەک ناگرێتەوە ڕادەوەستێ. دوکتور دەیەوێ ڕەوایەتی مام یۆنس بە ئەو دەربڕینە لە شەرعییەت بخات: داخودا کێ دژی ماسیگرەکانە و کێ ئەم درۆیەی سازکردووە کە بلۆکیان بەخەڵکەوە بەستووە و لە ڕووباریان هاویشتوون.
مام یۆنس دەبێتە پارێزەر و وەگێڕی “شۆڕشی ژن ژیان ئازادی” و باسی ئەو تاوانانە دەکات کە کراون. بەڵام دوکتور دەڵێ داخودا کێ ئەو درۆیانەی هەڵبەستووە و هەمیسان هەوڵ دەدا جێگۆرکێ بە ڕاستی و درۆ بکات و نەهێڵێ ڕاستییەکان دەرکەون. بەڵام مام یۆنس بە کورتەوەڵامی “ماسییەکان” ڕاستییەکان لە زمانی ماسییەکان/ سرووشتەوە دەگەڕێنێتەوه سەر جێگای خۆیان. ماسی لێرەدا مانایەکی تازە لەبەرانبەر دەسەڵاتی دوکتوردا دەخوڵقێنێ.
کورتە چیرۆکی “یۆنس و ماسی” تەنیا لە چەند ڕستەدا باسی دەسەڵات، سزا، کۆنترۆڵ و بەرەنگاری دەکات. دەسەڵات هەوڵ دەدا کورد “سر بە نیست” بکا. دەسەڵات کە چارەسەر و دەرمانێکی بۆ گرفتەکانی کۆمەڵگا پێ نییە هەوڵ دەدا بەردەوام و ئاگایانە شک و درۆ بخاتە ناو دڵی خەڵکییەوە و بە پرسیار خستنە سەر ڕاستییەکان ئەوان بشارێتەوە: کێ لەگەڵ ماسیفرۆشەکان گرفتی هەیە، کێ ئەم درۆیەی بڵاو کردووەتەوە؟
مام یۆنس نۆێنەری چینی خوارەوەی کۆمەڵگایە، خەباتکار و ڕاستگۆیە و لێرەدا وشە سادەکان و زمانی بێ پەردە، بەڵام شاعیرانەی مام یۆنس دەتوانێ قووڵایی ئەو تاوانانەی کە دەرحەق بە خەڵکی کراون و گرفتەکانی دوای شۆڕشی ژینا نیشان بدات.
مام یۆنس پێوەندی بە ژینگەی خۆییەوە هەیە و ئەزموونەکانی لەوێوەوە دێن. ڕاستە کە ماسییەکان سادەن و قسە ناکەن بەڵام شاهیدی تاوانەکانی ڕێژیمن. هیچ ڕاستییەک لە چاوی سرووشت ون نابێت. سرووشت شاهیدی هەموو ڕووداوەکانە، تەنانەت ئەگەر دەسەڵات بیەوێ تاوانەکانی بشارێتەوە.
هاوکات ماسییەکان نوێنەرایەتی چەمکی ژیانێکی ئازادیش دەکەن. لێرەدا ماسی هیما و سیمبولی ژنە. ئەوە نییە دەڵێن “دەڵێی ماسییە”، یا دەڵێن “وەک ماسی هەڵدەخلیسکێ”، بە واتایەکی دیکە حەقیقەتێک کە ماسییەکان باسی دەکەن بۆ مام یۆنس (کە لە ئەفسانەدا سەردەمانێک لە زگی ماسیدا ژیاوە) ڕاستە و وەریدەگرێ، بەڵام دوکتور لە جێگەی نوسخەپێچ و دەسەڵاتەوە هەوڵی گۆڕانی دەدا. ماسی هاوکات سیمبولی ژن بوون، ئازادبوون لە دەریای بەرینی خەڵک و حەقیقەتە. حەقیقەتێکی سرووشتیی ژنانە کە زۆر جار لەلایەن دوکتور و ئێلیتەوە وەرناگیرێ و جێگۆرکێی پێدەکرێ.
بابەتەکانی تری بلاگی ژیانەوە
بەناو ڕاپۆرتە شیکارییەکەی قەندیل پرێس و جوڵەی نوێی پەکەکە-پەژاک
بیروڕا بە شێوەی ئانلاین لە لایەن ناوەندی لێکۆڵینەوەی کوردستان-تیشک لە بلاگی ژیانەوە بڵاو کراوەتەوە: ١٠ی سەرماوەز ٢٧٢٥ی کوردی سورخی، ڕەحیم(٢٠٢٥): بەناو ڕاپۆرتە شیکارییەکەی قەندیل پرێس و جوڵەی نوێی پەکەکە-پەژاک. بلاگی ژیانەوە؛ ناوەندی لێکۆڵینەوەی کوردستان [...]
پرسی ئازاردانی منداڵان لە کوردستان و ئێراندا
بیروڕا بە شێوەی ئانلاین لە لایەن ناوەندی لێکۆڵینەوەی کوردستان-تیشک لە بلاگی ژیانەوە بڵاو کراوەتەوە: ٤ی سەرماوەز ٢٧٢٥ی کوردی بەیان، ڕۆژیندا (٢٠٢٥): پرسی ئازاردانی منداڵان لە کوردستان و ئێراندا. بلاگی ژیانەوە؛ ناوەندی لێکۆڵینەوەی کوردستان - [...]
سەردەمی داهاتووی ئابووری جیهانی تا ساڵی ٢٠٢٦ لە ١٢٤ تریلیۆن دۆلار نزیک دەبێتەوە
بیروڕا بە شێوەی ئانلاین لە لایەن ناوەندی لێکۆڵینەوەی کوردستان-تیشک لە بلاگی ژیانەوە بڵاو کراوەتەوە: ٢٩ی خەزەڵوەری ٢٧٢٥ی کوردی قارەمانی، حەسەن(٢٠٢٥):پ" سەردەمی داهاتووی ئابووری جیهانی تا ساڵی ٢٠٢٦. بلاگی ژیانەوە؛ ناوەندی لێکۆڵینەوەی کوردستان - تیشک. [...]
پارێزەرانی ڕووناکی هیوا، سەربەخۆیی و دەروونی بەکۆمەڵی نەتەوەی کورد
بیروڕا بە شێوەی ئانلاین لە لایەن ناوەندی لێکۆڵینەوەی کوردستان-تیشک لە بلاگی ژیانەوە بڵاو کراوەتەوە: ١٢ی خەزەڵوەری ٢٧٢٥ی کوردی شێخی، پەرویز(٢٠٢٥):پارێزەرانی ڕووناکی؛ هیوا، سەربەخۆیی و دەروونی بەکۆمەڵی نەتەوەی کورد. بلاگی ژیانەوە؛ ناوەندی لێکۆڵینەوەی کوردستان - [...]
سەبارەت بە ئورمێ بۆ ئاغای جەلال جەلالی زادە
بیروڕا بە شێوەی ئانلاین لە لایەن ناوەندی لێکۆڵینەوەی کوردستان-تیشک لە بلاگی ژیانەوە بڵاو کراوەتەوە: ٩ی خەزەڵوەری ٢٧٢٥ی کوردی سورخی، ڕەحیم(٢٠٢٥):سەبارەت بە ئورمێ بۆ ئاغای جەلال جەلالی زادە. بلاگی ژیانەوە؛ ناوەندی لێکۆڵینەوەی کوردستان - تیشک. [...]
پیسبوونی ئاو؛ قەیرانێکی شاراوە، مەترسییەکی ئاشکرا لە ڕۆژهەڵاتی کوردستان
بیروڕا بە شێوەی ئانلاین لە لایەن ناوەندی لێکۆڵینەوەی کوردستان-تیشک لە بلاگی ژیانەوە بڵاو کراوەتەوە: ٥ی خەزەڵوەری ٢٧٢٥ی کوردی ڕەسووڵی، داود (٢٠٢٥): پیسبوونی ئاو؛ قەیرانێکی شاراوە، مەترسییەکی ئاشکرا لە ڕۆژهەڵاتی کوردستان. بلاگی ژیانەوە؛ ناوەندی لێکۆڵینەوەی [...]
