پرۆژەی ‏توێژینەوەی  تیشک

پرۆژەی توێژینەوەی تیشک بۆ دامەزراندنی بناغەیەکی تۆکمە بۆ بڵاوکردنەوەی توێژینەوەی ئاست بەرز سەبارەت بە ڕۆژهەڵاتی کوردستان و گروپە نەتەوەیی و ئایینییەکانی دیکەی ئێران وەک بەلوچ، تورک، عەرەب و گرووپە ئایینیەکانی وەک یارسانی، بەهایی، زەرتشتی و هتد، داڕێژراوە. ئەم پڕۆژەیە لە لایەن ناوەندی لێکۆڵینەوەی کوردستان – تیشک بە ئامانجی بەرەوپێشبردنی گوتاری زانستی و بەرزکردنەوەی تێگەیشتن لە پرسە ناوچەییەکان و بەشداریکردن لە کۆمەڵگەی زانستی لە ڕێگەی بڵاوکراوەی وردبینیکراو دەستیپێکردووە. هەموو توێژینەوەکان بە پرۆسەیەکی وردی پێداچوونەوەدا تێپەڕدەبن و لەلایەن زانایانی شارەزا و دەستەی ڕاوێژکاری ناوەندی تیشکەوە هەڵەچنییان بۆ دەکرێت.

توێژینەوەکان وەک بەشێک لە پڕۆژەکە لە وڵاتی ئاڵمان و لەژێر ژمارەی ستانداردی نێودەوڵەتی بۆ بڵاوکراوە زنجیرییەکان (ISSN) تۆمار و بڵاودەکرێنەوە:

TISHK Research Paper (Print) ISSN 2943-7245

TISHK Research Paper (Online) ISSN 2943-7237

هەروەها توێژینەوەکان ‏بە شێوەی چاپکراو و دیجیتاڵی لەلایەن دەزگای چاپ و بڵاوکردنەوەی ناوەندی تیشک خۆیەوە بڵاودەکرێنەوە.

ئامانجەکان

ئامانجە سەرەکییەکانی پڕۆژەی توێژینەوەی تیشک بریتین لە:

• دەرکردنی زنجیرەیەکی تایبەت بۆ بڵاوکراوەی توێژینەوەیی لەسەر ڕۆژهەڵاتی کوردستان و گروپە نەتەوەیی و ئایینییەکانی دیکەی ئێران
• دابینکردنی سەکۆیەک بۆ زانایان بۆ ئەوەی توێژینەوە و تێڕوانینەکانیان بە شێوەیەکی بەرفراوانتر بگەیەننە خوێنەران
• بەرزکردنەوەی کاریگەری و ئاستی بینینی توێژینەوەکان لەسەر بابەتگەلی ناوچەیی و نێوان ـ زانستی لە کۆمەڵگەی ئەکادیمیدا
• بەشداریکردن لە بناغەی زانستی هەنووکەیی لەڕێگەی پڕکردنەوەی بۆشاییەکان لە بواری سەرچاوەی زانستی لەسەر  ڕۆژهەڵاتی کوردستان و  نەتەوەکان و گرووپە ئایینیەکانی دیکەی نێو ئێران

چوارچێوە و بواری توێژینەوەکان 

پڕۆژەکە گرنگیەکی تایبەت بە کۆمەڵێک بواری دەستنیشانکراو دەدات و لەهەمانکاتیشدا سنووردار نەکراوە، بوارە تایبەتەکان بریتین لە:

• لێکۆڵینەوەی مێژوویی، سیاسی و کۆمەڵایەتی لەسەر ڕۆژهەڵاتی کوردستان و ئێران
• لێکۆڵینەوەی کولتووری و زمانەوانی کورد و نەتەوەکانی دیکەی ئێران
• پرسەکانی مافی مرۆڤ و ناکۆکییە ئابووری – کۆمەڵایەتییەکان لە ئێران
• لێکۆڵینەوەی بەراوردکاری لەسەر گرووپە ئایینیەکان و نەتەوەکانی دیکەی نێو ئێران وەک بەلوچ، تورک، عەرەب و هتد.

دەرەنجامە چاوەڕوانکراوەکانی پڕۆژەکە بریتین لە:

• زنجیرەیەک توێژینەوەی ئاست بەرز کە تێگەیشتن لەسەر ڕۆژهەڵاتی کوردستان و گرووپە نەتەوەیی و ئایینییەکانی دیکەی نێو ئێران بەرفراوانتر دەکات
• زیادکردنی گوتاری ئەکادیمی و هاوکاری لە توێژینەوە ناوچەییەکان
• بەرزکردنەوەی کاریگەریی و بینینی توێژینەوەکان لەسەر پرسە کۆمەڵایەتی – سیاسی و کولتوورییەکان لە ئێراندا.

جگە لەوە، پێشنیار لە داڕشتنی سیاسەت و هەوڵەکانی داکۆکیکردن لە ماف و دەستەبەربوونی بەختەوەری کەمینە نەتەوەیی و ئایینییەکان چاوەڕوان دەکرێت.

پێوەرەکانی وەرگرتنی توێژینەوە  

1. درێژی و فۆرمات:

قەبارەی دەق: دەقی توێژینەوەکان دەبێت لانیکەم 50,000 پیت – بە بۆشایی و تێبینیەکانیشەوە – لەخۆبگرێت (یا ٣٠ لاپەڕەی A4 بێت) و نابێت لە 140,000 پیت – بە بۆشایی و تێبینیەکانیشەوە – زیاتر بێت (یا ٧٠ لاپەڕەی A4 بێت).

ژمارەی لاپەڕەکان: ٣٠ بۆ ٧٠ لاپەڕە، بە سەرچاوە و پاشکۆکانەوە

فۆرمات: مایکرۆسۆفت وۆرد یا PDF، قەبارەی فۆنت ١٢، Times New Roman‎ ، ١.٥ مەودای نێوان دێڕەکان

(Microsoft Word or PDF, font size 12, Times New Roman, 1.5 line spacing)

2. وەرگرتن (Citation) و چاوگنامە:

• بەکارهێنانی (Chicago Style‎) بۆ وەرگرتن و چاوگنامە
• هەموو ئاماژەپێدان و سەرچاوەکان پێویستە بە دروستی رێکبخرێن.

3. ئەو خاڵانەی کە لەداڕشتنی ناوەڕۆکدا پێویستە لەبەرچاو بگیردرێن:

• گرنگیدان بە لێکۆڵینەوە مێژوویی، سیاسی، کۆمەڵایەتی، کولتووری و زمانەوانییەکانی ڕۆژهەڵاتی کوردستان و گرووپە نەتەوەیی و ئایینییەکانی دیکەی ئێران
• توێژینەوە لەسەر پرسەکانی مافی مرۆڤ و گرفتە ئابووریی ـ کۆمەڵایەتییەکان

4. پرۆسەی پێداچوونەوەی ورد:

هەموو توێژینەوە نێردراوەکان بە پرۆسەیەکی وردی پێداچوونەوەدا تێپەڕدەبن.

5. توێژینەوەی بڵاونەکراوە:

• توێژینەوە نێردراوەکان پێویستە پێشتر لە شوێنێکی تر بڵاونەکرابێنەوە.

بۆ ناردنی بابەت یا پرسیار، تکایە لەڕێگەی ئەم ئیمەیڵەوە info@tishk.org پەیوەندیمان پێوەبکەن یا توێژینەوەکانتان لەڕێگەی پۆستەوە بۆ ئادرسی پۆستی ناوەند بنێرن:

TISHK Center for Kurdistan Studies
P.O. Box: 840108
51033 Cologne, Germany