کتێبی تیشک بەستێنێکی تایبەت بە پەرەپێدان و بڵاوکردنەوەی کتێبی پەیوەندیدار بە کوردستان، ئێران و ڕۆژهەڵاتی نێوەڕاست و بەشە جۆراوجۆرەکانی ئاکادێمی دەخوڵقێنێ. ئامانجمان ئەوەیە خوێنەران لە سەرانسەری جیهاندا، دەستیان بەم سەرچاوە بەنرخانە ڕابگات.

کتێبی تیشک بەشێکی دانەبڕاوە لە ئەرکی ناوەند و بۆ بەرەوپێشبردنی زانست و مەعریفە لە کوردستان و دۆخی کورد لە ڕۆژهەڵاتی نێوەڕاست تێدەکۆشێ. بۆ چاپ و بڵاوکردنەوەی کتێب هەنگاوی جیددی هەڵدەگرێ و ئامانجی بەرهەمهێنانی کتێبی خاوەن شێواز و ئاستبەرزە و لەسەر کۆمەڵێک بابەتی جۆراوجۆری پەیوەندیدار بە لێکۆڵینەوەی کوردی کار دەکات.

ئامانجی کتێبی تیشک ئەوەیە لە بواری ئاکادێمیدا بەشدار و چالاک بێت و لە ڕێی بڵاوکردنەوەی بەرهەمی ئاکادێمی، مۆنۆگرافیی لێکۆڵینەوە، پێداچوونەوە و وەرگێڕانەوە، لە لایەنە جیاوازەکانی مێژوو، کولتوور، زمان، سیاسەت، کۆمەڵگا و پرسە هاوچەرخەکانی کورد بکۆڵێتەوە. ئەم کتێبانە لەلایەن لێکۆڵەران، توێژەرە بەناوبانگەکان و پسپۆڕانی ئەو بوارەوە بە زمانەکانی کوردی، ئینگلیسی، ئاڵمانی و فارسی دەنووسرێن کە پسپۆڕی و تێڕوانینەکانیان بۆ لێکۆڵینەوەی کوردی تەرخان دەکەن.

لە بەشی کتێبی تیشکدا، کۆمەڵێک ناونیشانی جۆراوجۆر پێشکەش دەکەین. ئەم بەشە کۆمەڵێک بابەتی جۆراوجۆری وەک مێژوو، کولتوور، سیاسەت، ئەدەب و زۆر شتی تر لەخۆ دەگرێت. ئێمە بەوردی بابەتەکان هەڵدەبژێرین و ڕێکیان دەخەین بۆ ئەوەی دڵنیا ببینەوە کە خوێنەران دەستیان بە بابەتی ئاستبەرز و پڕ لە زانیاری ڕادەگات.

بۆ گەڕان و کڕینی کتێب لە بەشی کتێبی تیشکدا، دەتوانن زۆر بەئاسانی سەردانی ماڵپەڕەکەمان بکەن. لەوێدا بەشێکی بەکارهێنەر ڕێک خراوە کە ڕێگەت پێ دەدات بەدوای ناونیشانی تایبەت یان پۆلە جیاوازەکاندا بگەڕێی. ئێمە هەوڵ دەدەین زانیاریی ورد و پوخت دەربارەی هەر کتێبێک پێشکەش بکەین تا لە هەڵبژاردنی کتێبدا یارمەتیی خوێنەر بدەین.

هەروەها بژاردەی ناردنتان بۆ دیاری دەکەین تا ڕاستەوخۆ کتێبە هەڵبژێردراوەکانتان بەدەست بگات. دڵنیا بن تیمەکەمان زۆر زوو وڵامی داواکارییەکانتان دەداتەوە.

سەرەڕای ئەوەش، کتێبی تیشک پێشوازی لەو نووسەر، بڵاوکەرەوە و لێکۆڵەرانە دەکات کە دەیانەوێت بەرهەمەکانیان بڵاو بکەنەوە یان لە پلاتفۆرمەکەماندا بەشدار بن. ئەگەر دەتانهەوێ لەگەڵمان کار بکەن یان هاوکارمان بن، یان هەر پرسیارێکتان دەربارەی پێشکەشکردنی کتێب هەیە، تکایە پەیوەندی بە بەشی دەستەی نووسەرانەوە بکەن.

سپاسی ئێوەی بەڕێز دەکەین کە کتێبی تیشکتان وەکوو سەرچاوە بۆ لێکۆڵینەوە و توێژینەوەی کوردی و ڕۆژهەڵاتی نێوەڕاست هەڵبژاردووە. ئێمە لە ڕێگەی نێوەرۆکی کتێبەکانەوە، پابەندی پەروەردەکردنی زانست و مەعریفەین. ئێستا زیاتر لە پێنج کتێبمان بۆ چاپ لەبەردەستە و، لە چەند مانگی داهاتوودا هەر لێرەوە، لەسەر ماڵپەڕەکەمان بڵاویان دەکەینەوە. هەروەها یارمەتیی هەڵبژاردنی خوێنەران دەدەین و ڕوونکردنەوە و پوختەیەکی تێروتەسەل لەسەر هەر کتێبێک لێرەدا بڵاو دەکەینەوە.

لە چەند مانگی داهاتوودا، ناوەندی تیشک ئەو بەرهەمانەی لە خوارەوە ئاماژەیان پێ کراوە، بڵاو دەکاتەوە. ئەم بەرهەمە زانستییانە بەوردی لەلایەن لێکۆڵەرانی بەڕێز و توێژەرانی بەناوبانگ و پسپۆڕانی بواری لێکۆڵینەوەی کوردستانەوە کۆ کراونەتەوە.