دراوی ئێران لەژێر گوشاردا
هێلینا باوەرنفایند
دراوی ئێران لەژێر گوشاردا
دوای پشوویەکی کورت لە هەفتەی ڕابردوودا، ڕەوتی دابەزینی بەهای دراوی نیشتمانیی ئێران بەخێراییەکی زیاتر بەردەوامە.
دابەزینی بەردەامی بەهایی ڕیاڵ نیشانەی لاوازیی بنەڕەتیی ئابووریی[ ئێرانە]، لە سەرەتای ئەم هەفتەیەوە دووبارە ریال بەشێکی زۆری بەهاکەی لەدەستدا.
لە بازاڕە نافهەرمییەکاندا، بەیانی ڕۆژی ٥ی ژانوییە، نرخی دۆلار لە نێوان ١٣٥ هەزار تەمەن هەتا ١٤٢ هەزار تەمەن لە هاتووچۆ دابوو. بەمەش دەرکەوت کە چوونە سەرەی بەهای ڕیال لە یەک حەوتووی ڕابردوودا شتێکی کاتییە و جێگای باوەڕی بازار نییە.
دابەزینی نرخی دراو یەکێک بوو، لە هۆکارە سەرەکییەکانی ئەو خۆپیشاندانانەی کە نزیکەی هەفتەیەک لەمەوبەر لە چەندین شاری وڵاتدا سەریان هەڵدا.
کاتێک ڕیاڵ گەیشتە نزمترین ئاستی مێژوویی خۆی (نزیکەی ١.٤٤ ملیۆن بۆ هەر دۆلارێک)، هەڵاوسانی ئابووری بە شێوەیەکی بەرچاو زیادی کرد. بۆ زۆربەی خەڵک، ئەمە بە واتای لەدەستدانی زیاتری توانای کڕین دێت.
ڕەوتی دابەزینی نرخی ریاڵ بەتایبەتی کارتێکەری لەسەر هەڵاوسان لە کاڵا هاوردەکراوەکان و پێداویستییە سەرەتاییەکانی خۆراک دەکات.
بەم شێوەیە، قەیرانی دراو نەک تەنیا کێشەیەکی ئابووری، بەڵکو زیاتر وەک کێشەیەکی کۆمەڵایەتی و سیاسی دەردەکەوێت.
ئەو جێگیربوونە کاتییەی ریال لە هەفتەی ڕابردوودا ، وادیارە نەک لەبەر گۆڕانکارییەکی بنەڕەتی لە ڕەوتی ئابووریدا، بەڵکو زیاتر بەهۆی دەستوەردانی کورتخایەنی دەسەڵاتداران بووبێت.
چاودێرانی بازاڕ باس لە دەستوەردانی ئامانجدار و ڕێکاری کارگێڕی دەکەن کە ڕژێم هەوڵی داوە لەو ڕێگەیەوە ڕێگری لە هەرەسهێنانی دراوەکە بکات ، هەتا کات بەدەست بهێنێت.
ئەم جۆرە دەستوەردانانە دەتوانن نیشانەکانی نەخۆشییەکە کەم بکەنەوە، بەڵام هۆکارە سەرەکییەکان ناگۆڕن، کە ئەوانیش بریتین لە: سزاکانی نێودەوڵەتی، نەبوونی متمانە بە سیاسەتی ئابووری و زیادبوونی بەردەوامی نەغدینەگی.
لە سەرەتایی ئەم حەوتووەدا، دووبارە کەوتنە ژێر گوشاری ڕیاڵ نیشانەی ئەوەیە کە مەودای مانۆری حکومەت چەندە سنووردارە.
بەبێ چاکسازیی بنەڕەتی، جێگیرکردنی جێی متمانەی دارایی دەوڵەت و هێوربوونەوەی دۆخی سیاسەتی دەرەوە، دراوی فەرمی یان ڕیاڵ، بەرامبەر بە شۆکە نوێیەکان بە لاوازی دەمێنێتەوە.
رۆچوونی نرخی دراوی نیشتمانی و گەشەسەندنی نارەزایەتیی بازار ئێستا ئاماژە بەوە دەدەن کە بازاڕەکان متمانەیەکی کەمیان بە ڕێکارەکانی دوایی هەیە و قەیرانی دراو لە ئێراندا تا ئێستا بەبێ چارەسەر ماوەتەوە.
بیروڕا
بە شێوەی ئانلاین لە لایەن ناوەندی لێکۆڵینەوەی کوردستان-تیشک لە بلاگی ژیانەوە بڵاو کراوەتەوە: ١٧ی بەفرەنباری ٢٧٢٥ی کوردی
باوەرنفایند ، هێلینا (٢٠٢٥):دراوی ئێران لەژێر گوشاردا. بلاگی ژیانەوە؛ ناوەندی لێکۆڵینەوەی کوردستان – تیشک.
بابەتەکانی تری بلاگی ژیانەوە
سوریا و کوردەکان کشانەوە، مەرسووم و هاوسەنگییە لەرزۆکەکەی سەر فورات
سوریا و کوردەکان کشانەوە، مەرسووم و هاوسەنگییە لەرزۆکەکەی سەر فورات هێلێنا باوەرنفایند سوریا و کوردەکان کشانەوە، مەرسووم و هاوسەنگییە لەرزۆکەکەی سەر فورات چەندین ساڵە لە سوریا، ڕووباری فورات لە تەنها ڕووبارێک [...]
هەنگاوێک بەرەو ڕزگاری
هەنگاوێک بەرەو ڕزگاری شەهلا دەباغی هەنگاوێک بەرەو ڕزگاری بۆ دەبێ لە سەر ئەو کوشتارەی لە شارە فارسەکان دەکرێ وەدەنگ بێین؟ کە دەشزانین کوشتار لە ڕۆژهەڵاتیش بەردەوامە. دوای سەرکەوتن بەسەر ڕێژیمدا دەبێ [...]
ئێران؛ چارەی قەیران بە قەیرانی نوێ
ئێران؛ چارەی قەیران بە قەیرانی نوێ هەردی مهدی ئێران؛ چارەی قەیران بە قەیرانی نوێ لە سی ساڵی ڕابردوودا ئێران چەندین قەیرانی ڕیشەیی ڕووبەڕوو بووەتەوە، کێشەی سەرەکیی دەوڵەت ئەوەبوو لەبری ئەوەی قەیران [...]
ئێران لە نێوان لەرزینى ناوخۆیی و گوشاری دەرەکیدا
ئێران لە نێوان لەرزینى ناوخۆیی و گوشاری دەرەکیدا هێلێنا باوەرنفایند ئێران لە نێوان لەرزینى ناوخۆیی و گوشاری دەرەکیدا تاران لە کۆماری ئیسلامیی ئێراندا، نیشانەکانی قەیرانێک خەریکە چڕ دەبنەوە کە لە ئاڵۆزییە [...]
ئێران وەردەمو گۆڕانكارییەكانە و ئێمەی كورد ڕۆژهەلاتو كوردستانیەنە
ئێران وەردەمو گۆڕانكارییەكانە و ئێمەی كورد ڕۆژهەلاتو كوردستانیەنە هەرمان ڕۆژهەڵات ئێران وەردەمو گۆڕانكارییەكانە و ئێمەی كورد ڕۆژهەلاتو كوردستانیەنە دماو دابەشكریای جوغڕافیاو كوردستانی بەهۆو ئەنجامەكاو شەڕە نگریسە جیهانییەكا بە ڕێككەوتەی زلهێزەكا پەیمانە [...]
نیگای شۆڕشگێڕ
نیگای شۆڕشگێڕ دانا حەمید نیگای شۆڕشگێڕ لە قووڵایی مێژووی ڕۆژهەڵاتی کوردستاندا، بەرەنگاریی تەنیا کاردانەوەیەکی سیاسیی کاتی نییە بەرانبەر بە ستەمێکی دیاریکراو، بەڵکو کردەیەکی وجودیی بەردەوامە بۆ سەلماندنی «بوون» لە بەرانبەر ستراتیژییەتێکی [...]
